सुरु ऊस
*_🎋सुरु ऊस 🎋_*
*_बळीराजा_*
*_खोड कीड :_* _लागवडीपासून मोठ्या बांधणीपर्यंत प्रादुर्भाव होतो. हलकी जमीन, कमी पाणी, हंगामबाह्य लागवड, जास्त तापमानात प्रादुर्भाव वाढतो. उसाचा पोंगा वाळलेला दिसतो. पोंगा हाताने ओढल्यास सहजासहजी उपटून येतो._
*_⭕व्यवस्थापन_*
_◆हलक्‍या जमिनीत उसाची लागवड टाळावी. सुरू उसाची लागवड १५ फेब्रुवारीपूर्वीच करण्याचे नियोजन करावे._
_◆बेणेमळ्यातील निरोगी व किडीविरहीत बेण्याची निवड करावी. वाढ जोमदार व फुटवे जास्त प्रमाणात येणाऱ्या वाणांवर या किडीचा प्रादुर्भाव कमी प्रमाणात येतो._
_◆फार प्रादुर्भाव झाल्यास शेत विरळ दिसते. अशा वेळेस एकरी रोपांची योग्य प्रमाण राखण्यासाठी लागवडीबरोबर प्लॅस्टिकच्या पिशव्यांमध्ये पुरेसे रोपे तयार करून ठेवावीत. योग्यवेळी विरळ जागी ही रोपे लावावीत._
_◆लावणीच्या ४०-४५ दिवसांनी बाळबांधणी करावी._
_◆मका, ज्वारी ही आंतरपिके न घेता कांदा, लसूण, कोथिंबीर, पालक ही आंतरपिके घ्यावीत._
_◆पुरेशा प्रमाणात पालाशयुक्त खते वापरल्यास या किडींचा प्रादुर्भाव कमी होतो._
_◆लागवडीनंतर ४०-४५ दिवसांनी एकरी २ ट्रायकोकार्ड १० ते १५ दिवसांच्या अंतराने तीनवेळा वापरावीत._
_◆एकरी २ कामगंध सापळे (ई.एस.बी. ल्यूर) लावावेत._
_◆खोडकीडग्रस्त ऊस देठ मुळासह उपटून अळीसह नष्ट करावा._
_◆खोडकिडीमुळे शेंडे वाळत असल्यास, गरजेनुसार क्लोरॲन्ट्रानिलीप्रोल (०.४ जीआर) ७.५ किलो किंवा फिप्रोनिल (०.३ जीआर) १० किलो प्रति एकरी द्यावे. अन्यथा क्लोरॲन्ट्रानिलीप्रोल (१८.५ एससी) ०.३७५ मि.लि. किंवा क्लोरपायरीफॉस (२० ईसी) २ मि.लि. प्रति लिटर पाणी प्रमाणे फवारणी करावी._
टिप्पण्या
टिप्पणी पोस्ट करा